MIDOBACHA

MIDOBACHA

musculation midobacha
 
الرئيسيةالبوابةالتسجيلدخول

شاطر | 
 

 قصة وليد الحربي وندى الحربي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
medo1015
مشرف
مشرف
avatar

ذكر
عدد الرسائل : 106
تاريخ التسجيل : 04/06/2008

مُساهمةموضوع: قصة وليد الحربي وندى الحربي   الإثنين 9 يونيو - 12:44

بسم الله الرحمن الرحيم ...
اما بعد ..
هذي القصه ياشباب ويابنات حقيقيه ورومنسيه جدا وفيها بعض الحزن
ولو أنها طويله بس تستاهل

>>>خاصه للمحبين<<<

اسماء الموجودين اللي هم ابطال القصه هم
وليد الحربي
و ندى الحربي
وأخت ندى
و بدور الشايع
و نواف الخالدي
ومشاعل الشعلان
وبعض صديقات مشاعل
طبعا وليد و ندى هم العاشقين
وأسباب هذي القصه

لكم القصه من بدايتها مع البنت (ندى) أشلون وصلتلها،
--------------------


بدايه :
كنت أحب بنت اللي هي مشاعل الشعلان وكنا حنا بثالث ثانوي وكنا كأي بنت و ولد يحبون بعض المهم كنت احب البنت هذي وأكذب عليكم أني أذا قلتلكم ماكنت متعلق فيها المهم فجاءه بعد فتره تركتني كذا من الله وأنا ما ادري وش اللي خلاها تتركني طبعا أنتم تبون تقولون يمكن اهلها؟ أو شي زي كذا وانا اقولكم لا مو أهلها لأن الوضع عندها فري يعني عادي المهم صبرت عليها لأن ماعندي اللي يوصلني لها مرت الأيام

وجاني رقم بنت اللي هي بدور الشايع ماأدري عنها اي شي الا شيين اللي هم أنها بنفس المنطقه بالشرقيه واسمها بدور دقيت عليها قبل رمضان السنه الماضيه 1427 هجري بكم يوم
قالت : الو
قلت : الو
قفلت بوجهي
دقيت بعد ربع ساعه
قالت: نعم
قلت: ألو سلام
قالت: وعليكم نعم شتبي
عاد أنا هينا ما أدري شقولها بشنو أبدأ ماأدري فا
قلت : انا صراحه أبي منك خدمة وأكون شاكر لك وممنون وأنا وربي لو فيه غيرك ماكان حطيت نفسي بموقف محرج معك الحين
قالت : خير انشاالله شنو تبي؟
قلت : ما أدري اشلون ابدأ معك فا قلت بقلبي خلني أنا اسألها عشان أتأكد من الكلام اللي وصلني انها بالمنطقه نفسها
سألتها انتي بالمنطقة الفلانيه؟ قالت : اي
قلت : حلو بعدين سألتها الحين أنتي بثانوية الثالثه
قالت : إي بستغراب
بعدين قلت : أنتي بصف ثالث قالت : اي بستغراب أكثر
وقالت: لحظه لحظه أنت تعرفني !؟؟
قلت : لا بس الموضوع كله هو بثانويتك وبصفك يعني لو قلتي لا ماني بالمدرسه الفلانيه ولا بصف ثالث ابقولك مشكوره على وقتك معي واقفل لأني عندي شغله معينه وبس
قالت : طيب شنو المطلوب؟
قلت : يعني بتساعديني
قالت : أذا قدرت >>البنت يعني
تفاعلت معي وبعد لأنها هي ملقوفه تحب السوالف هذي لأن السالفه متعلقه بمدرستها

قلت : في بنت عندكم اسمها مشاعل الشعلان بصفك
قالت : أف!!
>> شكل السالفه عجبتها << إيه أعرفها ليش؟
قلت: شوفي ابي اقولك شي بس لايطلع لأي بنت بالثانويه
معك أمانه
قالت: ابشر
قلت : الخدمه اللي أبيها أنك تروحين للبنت وتقوليلها أن في واحد اسمه وليد الحربي اللي هو أنا يبيك وأنتي تخليتي عنه
قالت : احم بس بيني وبينها مشاكل
قلت : معليش بدور وربي ماعندي غيرك مو معقوله ابدق على كل بنت بالثانويه وبكذا افضحها ومالها داعي فا ابيها منك أنت دبريني
قالت خلاص أحاول
مر ثاني يوم ماجابت سيره لمشاعل وبعدين دقيت عليها باليوم الثاني المغرب وردت
قالت : وليد أنا ماقلتلها لأنها غايبه
قلت : أها أوكي بكره
قالت :خلاص
جاء اليوم الثالث
دقت بدور علي بالليل ورديت
قلت : بشري بدور شصار ؟
قالت: وليد البنت تقول ماتعرفك
قلت :ماتعرفني ؟!
قالت : إي
قلت : قوليلها يقولك وليد أذا انتي ماتعرفينه اشلون أخذ صورتك وسوالفك معه
قالت : صور!!؟
قلت :إي صور لها عندي مو جوال صوره عاديه
قالت : خلاص
عاد كان بكرا رمضان
وكانت بدور غايبه ثلاث أيام
جاء اليوم الرابع وراحت وجت عند مشاعل طبعا مشاعل كانت مع صديقاتها
قالت بدور : مشاعل ممكن دقيقه ابيك بموضوع
قالت مشاعل : اوكي عن اذنكم بنات
البنات : أذنك معك
قالت بدور : مشاعل ترا وليد يبيك ومتعلق فيك ويقول اذا أنتي ماتعرفينه أشلون جت صورتك عنده ؟

قالت : ها صوره لا لا كذاب
وبدور حست ان مشاعل مرتبكه
فا قالت بدور: خلاص خلاص بعدين نكمل كلامنا لأن الحصه دقت
قالت مشاعل : اوكي تبي الفكه طبعا ماخافت من الصور لأنها عارفه ماعندي سواليف أني راح أوزعها وهي عارفه الشي هذا من أول ..

وبعدين راحت مشاعل عند بنت اسمها ندى الحربي قالتلها
ندى تعرفين واحد اسمه وليد الحربي؟
قالت ندى: لا
قالت مشاعل : احلفي

عاد ندى من النوع الجديه كثير في الأمور هذي
قالت ندى : مشاعل وربي ما أعرفه
قالت مشاعل : لابس توقعتك تعرفينه لأنه حربي
ندى : مشاعل شنو سالفة وليد هذا؟
قالت مدري عنه بدور الشايع جتني وتقولي كيت وكيت فا يا ندى تكفين فكيني منه .
عاد ندى يوم قالتلها مشاعل تكفين ذبحتها النخوه لأن نظامها بدوي على حضري و (دلع)
راحت ندى عند بدور قالتلها شسالفه بين وليد ومشاعل
طبعا سالفة وليد ومشاعل انتشرت بالمدرسه
المهم قالتلها ندى ترا السالفه
كذا وكذا .... إلخ
قالت ندى اها وسكتت عاد ندى ومشت
ومرت الأيام طبعا بدور تجيبلي الأخبار اول بأول
قلت أنا لبدور وأنا أمزح أني ابي أتعرف على بنت عن طريقها وهي ماصدقت خبر
في اليوم الثاني كلمت ندى اللي هي سبب قصتي هذي وهي أغلى وأعز و احب شخص عندي وانتم بتعرفون بعدين .. المهم

وقالت ندى : أوكي أكلمه ماعندي مشكله
جاء المغرب ودقت بدور علي و قالت :خلاص ابعطيك رقم البنت عاد انا ماصدقت
قلت :من صدقك بدور
قالت : وربي
عاد انا انحرجت من جد من البنت قلت خلني اكلمها وش خسران دقيت تقريبا الساعه تسع
وطبعا عندها خبر اني ابدق عليها
قلت : الو
قالت : الو

قلت انا في خاطري لازم اخلي السالفه فيها ضحك
قلتلها : الو امي عندكم ؟

طبعا هي انصدمت من السؤال
وبعدين فهمت أني استهبل
قالت: لا بالطريق
قلت : حلو حلو خلاص أذا وصلت دقي علي
قالت : خلاص

قعدت انتظرها تقريبا نص ساعه ودقيت
قلت: ها وصلت الوالده؟
قالت : إي

انا هنا فهمت أن الحين نقدر ناخذ ونعطي
فا قلت : طبعا تعرفيني صح ؟
قالت : اي ماقصرت بدور

قلت أنا بخاطري اشوى خففت علي بدور

وبعدها سوالف وضحك وجابت عاد سيرة مشاعل بطريقه غير مباشره وقالت: وليد أنت تحب ؟
عاد انا قلت ؟ بصراحه أي ويمكن بدور قالتك سالفتي مع مشاعل
قالت : إي إي صح بس وليد البنت ماتبيك وكانت مشاعل تقول ماتبيك وكانت متأكده من الكلمه اللي قالتها

عاد أنا قلت لها : ندى مافي شي اسهل من الخيانه

عاد المهم سكرنا التليفون وجلسنا تقريبا اسبوع أو اسبوعين تقريبا نكلم بعض بالضبط وأنقطعنا عن بعض فتره طويله شوي تقريبا أربع شهور والسبب هو اني كنت أدق عليها بين فتره وفتره كان جوالها شغال بعدين طفا مده اللي هي أربع شهور بغض النظر عن بدور لأن بدور تكلمني بين فتره وفتره
ومرة الأيام وفكرت أن الحب اللي حبيت فيه مشاعل مو حب طلع حب كاذب يعني فتره وانا متحسف اني ضيعت وقتي معاها ولاقدرت حبي لها الله يقـــ... المهم ماحبيت افرض نفسي عليها وقلت انا خلاص الله يستر عليها مع ان اللي قاهرني انها تكلم غيري بعد ماطلعت من الثانوية

ماعلينا تركت مشاعل خلاااص نهائيا.

واقولكم بعد فتره قامت بدور تشوف نفسها علي مع اني خدمتها مثل ماخدمتني
خدمتي لها كانت عشان في كم رقم أزعجوها قلت : أوكي
عطيني اياهم وأدق على الأرقام ودخلت في مشاكل بسبتها لدرجة انهم يعرفون اسمها الكامل وهي لها سوابق معاها وهم من القصيم (عنيزه)
وطبعا بدور بعد بعنيزه اصلها يعني كل عطله يروحون هناك

فا قلت مدام هي اللي بدت المشاكل لازم أردلها لأنها تسوي نفسها ماتكلم شباب وياما تحت السواهي دواهي
المهم قلت لواحد من أخوياي (صديقي) اللي هو نواف الخالدي طبعا هو مخلص دراسه وماعنده شغل قلتله السالفه كلها
لأني كنت مشغول بدراستي حيل تعرفون آخر سنه ولازم أشد حيلي
المهم الأخ بالله أخذ رقمها من عندي ودق عليها على اساس انه هو ولد عمي يعني نواف الحربي وقالها كان وليد ماخذ جوالي ومركب الشريحه حقته
ولقيت رقمك موجود بالسجل جلست بدور تسب أنت حثاله عاد نواف قال : أذا انا حثاله فأنتي **اله وأنت يالقاري بكرامه وجلسو يسبون مع بعض بعدين نواف دخل بأسلوب أنه غبي مايفهم سبها
وقامت تضحك يعني شبكت البنت الا شوي بعد ماجننت نواف وهو يحاول يظبطها المهم
وبعدين رسايل وشغل عدل.
جلسو فتره مع بعض ونواف قايل لبدور لاتعلمين وليد أني اكلمك لأنه بيزعل علي وأنا ما أرضى على زعله
قالت بدور : انشاالله
المهم انا عارف الموضوع بس ساكت
وتجي اللحظه الحاسمه اللي نواف خلاها تجيني وانا مدري نواف سوي حركه
والحركه هي أن نواف حبيب قلبي دخل مع بدور بعد فتره من تعارفهم جو مثل ماتقولون جو أحم أحم كأي حبيب وحبيبه وسجل صوتها بالتليفون وخلاه عنده فتره بعدين صارت مشكله بينه وبينها قويه وبعدين قالها اسمعي صوتك ياحلوه وسمعتها وانجنت ماتوقعت
بعدين شوفوا ياناس ان حبل الكذب قصير يوم كنت اسألها تكلمين أحد ؟
تقول: لاوليد مو انا اللي اكلم انا صحيح بس اكلمك وأنت عارف ليه أكلمك يعني شغلت تبادل مصالح
المهم دقت علي واستغربت من أتصالها كان الساعه وحده بالليل وجلست تسلم ومن السوالف هذي ودخلت بالموضوع لأن عند البنت جرأه
الرجوع الى أعلى الصفحة اذهب الى الأسفل
medo1015
مشرف
مشرف
avatar

ذكر
عدد الرسائل : 106
تاريخ التسجيل : 04/06/2008

مُساهمةموضوع: قصة وليد الحربي وندى الحربي 2   الإثنين 9 يونيو - 12:45

وقالت : وليد ترا نواف ولد عمك يكلمني

قلت : لالا من متى السالفه هذي ؟
قالت : تقريبا شهر وشوي
قلت : وش المطلوب مني وش فايدتي تقولين لي بعد شنو ؟!

قالت : مو المشكله أني أكلمه وماقلتك
قلت : شنو المشكله ؟
يعني طبعا طبعا نواف ماقالي السالفه هذي أنه مسجل صوتها
قالت : نواف
قلت: وش فيه ؟
قالت : والله مدري شقولك
امممم احم نواف بصراحه مسجل صوتي وسوالف ما أقدر أقولك
قلت : بستغراب مسجل صوتك ويكلمك وصارلك شهر وشوي !!
ومن وراي كل هالمده ؟
قالت:وليد هو اللي يقولي أذا انا أحبه ما أقولك
قلت: بعد فيها حب هههه لا لا بدور
ماني مصدق
قالت :خلاص دق على نواف وهو يقولك
قلت : ومنو يقولك أني أبكلمه
قالت: وليد تكفى ترا نواف خبل ويسويها.
قلت : يسوي شنو؟
قالت : يفضحني
قلت : اها يفضحك أنتي اللي جبتيها لنفسك بكذبك الزايد
قالت : يعني شنو منت مكلمه
قلت : إلا؛ بس مو عشانك
قالت : عشان منو ؟
قلت : عشان نواف بس عشان ما ياخذ ذنبك وهو ينشرك واسكتت .
عاد أنا كلمت نواف بعد بدور قومته من نومه
قلت : نواف شدعوى هذي الحركات من ورانا وكنت وقتها معصب
قال: سلامات وش فيك؟!
قلت : أنت مسجل صوت لبدور
قال : ليه قالتلك بس شرايك فيني؟
قلت : بشنو؟
قال : خليتها ترجعلك
قلت : هي اصلا عادي تكلمني بس شايفه نفسها كثير كأني أطر منها. على ايش مدري اللي يقول اللحين ملكة جمال.

وبعدين قلت نواف ابي اواجهك بكرا
قال :خلاص ابشر
جا بكرا عاد و واجهت نواف وأخذت الجوال سويت تهيئه لأنه بالحارس الذكي وماأعرف الرقم السري لذاكرته وعاد نواف عصب وحقد على الحركه اني مسحت ذاكرته ومرت الايام
قمنا نسولف عادي وكأن شي ماصار
فادقت بدور
قالت : ها وليد شصار مع نواف ؟
قلت :كل خير مسحت اللي تبينه
قالت : مشكور ويعطيك العافيه .
المهم قربت الأمتحانات النهائيه وطبعا محد فاضي للثاني أقصد انا وندى كنا كلنا مشغولين بدراستنا ماعدا بدور كانت مشغوله مع الشباب أخر الليل واللي أكدلي نواف بعد الأختبارات سألته شخبار بدور قال: ابشرك جبت ياوليد من الفضاوه اللي فيني برنت كامل عن بدور بالإتصالات يعني فاتورتها يقول وربي اجلس اطالع الأرقام اللي تقعد تكلم وقت طويل وأدق على الأرقام اللي يطلعلي بنات واللي يطلعلي شباب يعني رايحه فيها البنت
المهم مرت الأيام وطلعت نتايج الثانوي والحمدالله جبت
أمتياز وأرتحت نفسيا
وبدور عادت سنه وانتم تعرفون اسباب رسوبها من مكالمات والسوالف هذي
وبعدين
طرت على بالي من تتوقعون ؟
اللي طرت على بالي ندى
وربي ياناس عزيت البنت هذي من اول مكالمه رقه وذوق وادب يعني ماشالله عليها سنعه.
وقلت خلني أدق عليها بالعطله
وتخيلو ياشباب ويابنات اني أدق عليها جوالها مقفل وانا بيني وبينكم خفت عليها من جد يعني جلست ادق عليها مثل الخبل بس وربي كان عندي امل اني اكلمها وصارت هي اللي شاغله بالي
وأنتم راح يجي في ذهنكم تقولون :ليه مادقيت على بدور تطمنك عليها ؟
أنا اقولكم متزاعل معاها وثاني شي عشان ماتطلع سوالف ان ندى كيت وكيت..
المهم
جاء رمضان السنه هذي 1428هجري اللي جاء قبل الدراسه أربع ايام بالضبط دقيت انا عليها سابع رمضان لقيت جوالها مفتوح الساعه 2ونص بليل وربي ما اقدر اوصفلكم شعوري فرحي كأن قلبي بيطلع من الفرح
المهم ماردت وجلست ادق عليها لين طفشت وردت
انا عاد يوم قالت : الو تعرفون شلون نسيت شنو ارد حتى كلمة الو نسيتها ثواني بعدين
قلت : احم الو
قالت : نعم اشتبي داق نص الليل ياقليل الأدب وهي ماتعرفني نستني طبعا المهم جلست تسب منا ومنا
انا بصراحه ضعت ما أدري شقولها فا سكت شوي
وقالت يلا يلا ابي اسكر ماني فاضيتلك
قلت : لحضه قبل لاتسكرين وانا اسكر ابقولك شي وأنا اللي ابي اسكر بعدها مو انتي
قالت : شنو بنفسيه خايسه ؟
قلت : الله ياندى من بعد ماكنتي واللحين صرتي يلا سلام واسكر
البنت ( انجنت )
جلست تدق علي بنفس اليوم مارديت عشان ابيها تعرف بس وشلون كانت والحين صارت المهم جاء اليوم الثاني بعد صلاة التراويح دقت علي عطيتها مشغول وبعد نص ساعه فضيت نفسي ودقيت عليها
وردت ما شاء الله بكل أدب عشان بس تعرف منو أنا اللي جلس يدق عليها وهي حاطه خدمة موجود
وقلت : سلام
قالت : وعليكم السلام
قلت : مين ندى ؟
قالت : اي ندى !
قلت : شخبارك ندى ؟
قالت؟ تمام التمام
قلت : دوم
عاد من هنا بدت نقطة حبنا
قالت : ممكن أعرف شي واحد؟
قلت : تفضلي
قالت : انا من امس مانمت قاعده افكر بالكلام اللي قلته أنت
اللي هو الله يالدنيا من بعد ماكنتي واللحين صرتي
عاد انا ..
قلت : أصلا انا عارف ماراح تنامين عشان تفكرين بس
قالت: وربي فكرت بس ماعرفت شي
قلت : قبل كل شي ممكن سؤال صريح ؟ لأني انا بصراحه تعلقت بالبنت من الله
وهي عرفت اني انا اللي ادق عليها الفتره هذي كلها
قالت: اتفضل
قلت : متعرفه على أحد أنتي حاليا ؟

قالت : شنو مناسبة السؤال؟
قلت : لابس اذا انتي متعرفه على واحد خلاص ابي اسكر التليفون ولا كأني دقيت عليك هذي المده اللي طافت
لأن ماودي أخرب عليكم
قالت : لا
قلت : متأكده ؟
قالت : وربي ما أكلم أحد
قلت : ايه حلو حلو
قالت : ممكن سؤال
قلت :تفضلي
قالت: شسمك ومنو أنت؟
قلت : انا عادي أقولك اسمي بس خايف يعني مثل ماتقولين انك ما ادري شنو اقولك
قالت : عادي عادي قول وماعليك
قلت : انا وليد الحربي
قالت : بستغراب كبير اها وليد الحربي بس بس عرفتك وانا وجهي حمر من الأحراج منها
وبعدين قالت وهي مرتاحه لأنها عرفت منو أنا : هلا وليد شخبارك ؟
انا يوم قالت شخبارك ارتحت نفسيا حسيت ان هم وطاح يعني البنت تبي تاخذ وتعطي معي
قلت :بخير دامك بخير
عاد هي ضحكت
وقالت : وليد شنو اللي ذكرك فيني
قلت : وربي ياندى اني من فتره وأنا أدق عليك مقفله جوالك مو قصت إني توني تذكرتك
قالت : وليد لحظه خوذ رقم جوالي لأن هذا صار جوال أختي
طبعا انا استغربت من ثقتها فيني وثاني شي كبرت بعيني
المهم قلت :أوكي عطتني
الرقم وادق عليها
المهم وسوالف على اساس وين قطتنا الدنيا في اي جامعات
والله ياناس اني وانا اكلمها ما ابي أخبي عليكم اني كنت احبها من طرفي انا وكنت اتمنى وربي قربها على طول لأنها بنت صراحه شقولكم سنعه أو تستاهل من يحبها ويحبها ويغنيها عن الناس
كلهم
المهم جلسنا فترة رمضان مع بعض حلوووين على الآخر ولحد الآن ما أعترفتلها بحبي
وبعدين جاء العيد الفطر
عايدتني برساله وعايدتها برساله.
واليوم الثاني وثالث العيد ورابع العيد ماكلمتها وحسيت من جد إني فقدتها
فادقيت على جوالها طلع مقفل اوكي قلت يمكن مشغوله صبرت اسبوع على هذي الحاله
قلت مالي غير أني ادق على رقمها القديم اللي هو رقم أختها .
دقيت رن التلفون بس محد يشيله
ارسلت رساله كتبت فيها
>> ندى وش فيك عسى ماشر صارلك كم يوم مقفله جوالك انشغل بالي عليك <<
جاء اليوم اللي بعده دقت علي ندى من الرقم اللي ارسلتله
قالت: الو هلا وليد
قلت : ياهلا وغلا ومرحبا الزبده مسكت خط معها من الفرحه
قالت : لحظه لحظه كل هذا هههه
قلت : ندى وربي ماخذ بخاطري منك
قالت : ادري وليد بس وربي مو مني
قلت : ندى أنتي عذبتيني وليه جوالك مقفل طول الفتره هذي ؟
قالت: كنت بالسوق وانسرق جوالي وكنت مخزنه رقمك فيه لاني مسحته من جوال أختي فا ماقدرت أكلمك .
قلت أنا: اها السالفه كذا
طيب يعني أشلون اللحين منتي شاريه جوال ؟
قالت : لا ما أظن
قلت : اف ليه
قالت : ماني شاريه جوال إلا بعيد الأضحى >>ندي من النوع اللي آخر همها الجوال<<
قلت : ما أقدر أكلمك من جوال أختك قالت لا لأنها ماراح تكون موجوده
قلت : يعني ماراح اكلمك إلا بعيد الضحيه
قالت : إي
قلت أنا بخاطري اللي صبرني الشهور هذي كلها مايضرني شهرين
بعدين قلت لندى : خلاص ندى خذي راحتك والله يوفقك يارب وأمانه عليك أنك تنتبهين على نفسك
قالت : أوكي وليد
والله ياناس حبيت اسمي منها
قلت : يلا سلام ندى
قالت : سلام
ومرت الايام يعني عادي أروح المجمعات واسواق ويمديني أرقم البنات ومو ناقصني شي فا أقول بنفسي ليه أرقم و ألحق بنات خلق الله واكذب عليهم وأنا عندي بنت ودي بقربها وبعدين مواعدتني بعيد الضحيه تدق علي..
وسبحان الله ربي عطاني صبر على هذي البنت وطول البال معاها على الآخر
المهم قرب العيد وانا بالي مشغول عليها تدق ماتدق وسوست عليها
وكل ماقربت الأيام على العيد كل مازاد شوقي لها أكثر وأكثر ..
وجت اللحظه الحاسمه أن العيد بكرا ياسلام وانا فرحان أني ابي اسمع صوتها
ودقيت عليها ليلة العيد
تتوقعون شنو سمعت؟
يوم دقيت ياناس وربي تحطمت تحطيم من كلام سمعته اللي هو
>> إن الهاتف المطلوب لايمكن الأتصال به الأن الرجاء الأتصال بوقت لاحق <<
انا هنا وربي انجنيت وأنتم لو تكونون مكاني بتنجنون مثلي المهم
دقيت أكثر من 15 مره
وقلت شكله مافي امل إذا ليلة العيد مافتحت جوالها أكيد مسروق أو محترقه الشريحه يعني أدورلها عذر عشان بس ما اسبها اني أنتظرتها طول المده
قلت خلني أرسل رساله يمكن تصدف معي ماني عالم الغيب
كتبت بالرساله
>> مساء الخير ندى كل عام وأنتي بخير طبعا عرفتيني أنا وليد الحربي
ندى وين وعدك لي أنك لا جاء العيد تعايديني وتكلميني
بس شنو أقول غير ...<<
طبعا كنت كاتب الرساله وأنا متحطم نهائيا
عاد انا نمت بعد ما ارسلت الرساله بساعه تقريبا
قمت الصبح منصدم يوم العيد والناس فرحانه بالعيد
وأنا فرحان بشي واحد اللي
هو اني لقيت 4 مكالمات منها يعني شقولكم
طبعا أربع مكالمات هذي كفتني
ماحبيت ادق عليها أول يوم العيد لأني ماودي أصير ثقيل عليها صبرت لين ثالث العيد أنا صراحه من الأدب مادقيت عليها قلت خلاص إذا هي فاضية بتدق علي
جاء ثالث العيد بليل ودقيت
عليها وردت
قالت: الو
وانا سمعت صوتها مدري وش جاني
قلت : الو هلا بندى بالغلا كله
كأني ياناس اكلم وحده أنتظرها عشر سنين
وراحت
المهم ..
قالت : أخبارك وليد
قلت : في أحد يسمع صوتك مايرتاح؟
قالت : >>بعد يعني ماطاحت <<الميانه بيننا ههههاي شدعوى وليد والله لو أني وشو
قلت : أنتي الوشو كله وقمت أتغزل فيها لأني بصراحة شديده أبيها أن ضبطت ياحظي وإن ماضبطت الشكوى وشي متوقع لكن وربي ياشباب و يابنات أنها مانست الأيام اللي كنت انا فيها أدق وارسل يعني ماهانت عليها الأيام المهم خلص العيد
ودقت علي يعني البنت حست أني أبيها من جد
الرجوع الى أعلى الصفحة اذهب الى الأسفل
medo1015
مشرف
مشرف
avatar

ذكر
عدد الرسائل : 106
تاريخ التسجيل : 04/06/2008

مُساهمةموضوع: قصة وليد الحربي وندى الحربي 3   الإثنين 9 يونيو - 12:49

قالت لي: وليد شوف أكتب شعورك بالنسبه لي وشنو تبي مني برساله
قلت : ندى كلامي ماينكتب كلامي ينقال ويمكن القول مايوفيك
قالت : معليش وليد عشان ودي أقراها بنفسي
عشان خاطري ولا مالي خاطر عندك ؟
قلت : الا لك خاطر ونص
ابشري بعزك لكن يمكن الرساله ماتوفيك وأنتي عارفه الشي هذا
قالت : أوك
وأرسلت لها رساله بمعناها
أنها غاليه على قلبي وان لو أكتب على اساس أني أقنعها أنها مثل ماقلت أنها غاليه ومن السوالف أصير كذاب والشي مايثبت الا بالأفعال والأيام الجايه وأني انا واثق من نفسي
وأرسلتها..
المهم عقب ما أرسلت لها
و قرتها دقت علي
والله يا ناس كأن ربي مسخرها لي
وقالت مع التناهيد : وليد أبي أسألك سؤال ممكن؟
قلت : سؤال وأثنين وأربع خذي راحتك
قالت : أنت تحبني؟
أنا صراحه ياجماعه ماقدرت ابلع ريقي من قوة السؤال وجرأته
قلت : قلت والله ياندى مدري هل هو حب ولا شوق ولا مدري مدري لكن ان جت ترا على الحب اني أحاول اشوفه فيك بس هذا الشي ما أغصبك عليه
قالت : وليد شوف جوابك مو صح وانا عارفه أني يمكن ازعل لما تقول انك تحبني
لكن وربي ياوليد فعايلك معي وعدم تركك لي مع أنها فتره طويله ما أسميها حب أسميها عشق اسميها لو في شي أعلى من الحب قلتلك

طبعا انا منحرج منها
قلت : ياندى والله ماني طماع في حبك انا واحد حامد ربي وشاكره اني أكلمك .

قالت : بس وليد أنا أبي اجابه صريحه ترا أيامك معي وأنا ماعطيتك وجه ماتهون علي

قلت: شوفي ندى أقولك بدون لف و دوران تعرفين شي اسمه حب من طرف واحد

قالت: إي
قلت : أنا أحبك بيني وبين نفسي صراحه وماراح اقولك أحبك الا لين يكمل الطرف الثاني اللي هو أنتي .


وانا صراحه منحرج منها لأنها عارفه مع مين كنت مع صديقتها اللي هي مشاعل الشعلان
وطبعا عارفه أني تاركها من مده وتعلقت فيها

قالت : شوف أنا ابقولها بس بشرط .
قلت: شنو شرطك؟
قالت : مستعده أحبك وأغليك مع اني أغليك من قبل بس الكلمه هذي لها معنى خاص وأفعال خاصه لها وأكبر افعالها التضحيه ياوليد الحب تضحيه .
قلت : ماعاش من مايضحي عشانك وبعدين ندى أنا ما أغصبك انك تقولينها الحين الا لما تتأكدين

ردت وقالت مع تناهيد الحب:
وليد أنا تسمعني وليد؟
قلت : معك معك ندى
قالت : أنا أحـــبـــــــــك
انا يا ناس ياعالم دوروني ماصدقت نفسي ضعت في بحر كلمة أحبك هذي اللي طلعت من قلبها بصدق وشعور وأحساس جميل جدا

قلت : يابعد قلبي >> طبعا خلاص أنا حبيبها لازم أقولها بعد قلبي وبعد عمري ومن السوالف هذي<<

قالت : لبيه <<< الكلمه هذي لها معنا خاص بعد حبها لي

قلت : حبك لي مايرخص علي حتى لو جت على قطع الأرقاب
حتى أنا أموووت فيك

طبعا وسكتنا كلنا كذا تقريبا 10 دقايق طبعا أنا كنت افكر اشلون أحبها أكثر مما انا أحبها اللحين واشلون أصون كلمة الحب اللي نطقناها بصدق وبنيه صافيه تماما من الأمور الأخرى

فا قلت : أحم
قالت : أحم أحم ايوا معك
قلت : حبي "
طبعا قلتها وأنا واثق من نفسي ومن معناها أنها تضحيه.
قالت : عيونها
قلت : أنا وشو أبي بعيونك
قالت : اف ليه ماتبيها؟
طبعا ازعلت
قلت : لأنها تشوف بنات كثير بس أنتي صراحه ماليه عيني

قالت: يالله بدلع شنو هذا
قلت :طبعا رايح أنا بخرايطها من جد مضيع مكاني وين
ياولي من الله منك

المهم ..
ضبط الوضع معاها وخلاص ملكتها وهي ملكتني
وصارت مكالمات كثيره بيني وبينها وساعات وخلوها على ربي
ومن مكالمه من المكالمات سألتها أنا سؤال تعرررفون حبيت أسألها عشان أرتاح نفسيا وأصدق نفسي
قلت : ندوووي
قالت : يالبيه
قلت : تحبيني
قالت : مووووت واللي يقولك غير كذا ابي ألعن والديه >>يعني قويه البنت
قلت : طيب ليش ؟
قالت: والله مدري وشو أقول يمكن لأننا فاقدين الحب او منسجمين بأفكارنا وأشياء غيرها
قلت: ندى
قالت : روحها
قلت : بجوالك افتحي الرسايل
قالت :دقيقه
قلت :أوكي
قالت : والرسائل فتحناها شسوي
>> طبعا انا ناوي نيه بتعرفون اللحين<<
قلت : أضغطي خيارات
قالت : ضغطت
قلت : أصعدي عند أوامر الخدمه
قالت : اوكي هذي اوامر الخدمه
قلت : ايوا شفتي أوامر الخدمه هذي
قالت: إي
قلت : اممووووااااح طبعا كل الزحمه هذي عشان أعطيها البوسه اللي من جد طالعه من قلبي
قالت وهي من حرجه : ههه اف اف ياوليد الله يرجك بس

عاد أنا عيار لازم أخذ حقي منها
فاقلت لها : ندى أنا خدي من هينا ماأدري وش فيه

قالت : سلامات عسى ماشر
قلت: لابس فيه شد عضلي ورحت لدكتور عاد الدكتور حقير يقول علاجه عند حبيبك

قالت: يعني أكيد علاجك عندي
قلت : أكيد بعد من غيرك
قالت : بس أبشر بعزك
قلت : احم اي وينها
قالت : خذها امووااااااااااااح

وربي ياناس إن أحلى مافي البوسه الأح الأخير عذاااب منها

فا أنا طماع مثل ماتعرفون
قلت : ترا بوستكي حطيتها بمكان ثاني

قالت : اها وين يلا قولي ؟!

قلت : لا خلاص حطيتها مالك دخل .

قالت : لا بتقول ولا أبي أزعل عليك
طبعا تقولها عشان بس تعرف وين حطيتها ولا هي ماتقدر تزعل علي

قلت: ههههاي ماصدقت أحبك عشان أخليك تزعل علي

قالت : يابعد قلبي يلا قلي وين حطيتها

قلت: بشفتي

قالت: ياااااويلي لا لا لا

انا قلت بس زعلت ولا أخذت بخاطرها

فا قالت : ولود
قلت : يانعم
قالت: خل الشفايف على جنب

طبعا البنت روومنسيه من جد

قلت : ليه؟
قالت : لأن إن جت على الشفه
أنا اللي أبي أشفك
مو بس شفه وبس الا ابشفط عروووق شفتك

لأن الرومنسيه واصله عندها فل



انا ياناس يوم قالتها

دووورووني
طبعا اكيد ماراح تلوموني

عاد قلت: فديتك ياقلبي
وعسى الله يخليك لي

قالت: يارب ياوليد


عاد المهم مرت الأيام وكل يوم يزداد حبنا لبعضنا الله لايضرنا
ومشينا مع بعض حلووين عاشقين بجنون بهبال مدري شقولكم

المهم ..
نسيت إني أقولكم معليش أن فيها قلب وكانت مسويه عمليه من قبل

جا يوم من الأيام
قالت : وليد تدري وشو ودي ؟
قلت : وشو
قالت : أنك تجي وتقول قدام الناس يا ندى أحبك
قلت : قلت أنا أقول لكن وربي مجتمعنا مايسمح
قالت: انا مالي شغل ابيك توصل للناس انك تحبني
قلت : ابشري طبعا قلت ابشري بس عشان اصرف الموضوع لأنه صعبه اني أثبت قدام الناس والناس ماهي فاهمه الطبخه

وجلست فتره افكر كيف اوصل للناس إني حبيتها
وطرت على بالي أني أكتب قصتنا من البدايه إلين آخر حدث يصير بينا من زواج أو فراق بعيد الشر أو موت بعد عمر طويل يعني

فا دقيت عليها تقريبا الساعه 2 بليل
قلت: قلبي
قالت : هلا حبيبي شخبارك؟
قلت : أخبار بتصير زينه أذا وافقتي على الشغله اللي أبقولك اياها
قالت : شدعوى وليد مو أنا اللي تقولي أذا وافقتي لأني أنا موافقه على اي شي تقوله لي حبيبي

قلت: أوكي ترا أبكتب قصتنا من أولها يعني من سالفة مشاعل وإلين ماوصلتلك بقصه
وانشرها
بدال ما اجي عند الناس واصارخ عند اللي مايسوى
واللي يسوى يستاهل من أقول عنده أصارخ أني أحبك
بس قلت القصه ياقلبي تنتشر عند الناس الفاهمه اللي تقدر الحب وش قلتي؟

قالت : شوف إذا انت تحبني سوها وأذا أنتشرت ياوليد
ووصلت للناس تراك حققت أمنيتي بالحياه هذي كلها

قلت وانا فرحان : خلاص راح اسويها

عاد هي تحسبني ماراح اكتبها بحكم دراستي اللي ادرسها حاليا اللي هي طب

فاسألتها : ندى تبين أكتب اسمك بالقصه ؟
قالت وبكل فخر وثقه أجل بتكتبه بإسم غيري !!
أكيد بأسمي طبعا

قلت : أوكي

عاد بديت بالقصه هذي اللي تقرونها اللحين
¥¥¥¥¥¥¥¥¥¥¥¥
وجت لحظة أو بداية الــــحــــزن
اللي هي
أني دقيت عليها يوم من الأيام وكلمتها عادي بس كانت مريضه وكحكحه ويعني حالتها ماهي زينه
المهم مر يومين ودقيت وماردت واستغربت يعني غريبه بالعاده اذا دقيت وماردت تدق بعد ساعه اكثر شي يعني
المهم راحة ساعه ومادقت وراحت ساعتين
أرسلت : رساله كتبت
>> ندى وش فيك أبي أقولك على الشغله اللي موصيتني

أنتظرت دقايق وجتني رساله
فتحتها
طلعت الرساله من أختها كاتبه
>> لابس قاعده تذاكر وتعبانه مرره شنو اللي موصيتك ؟

عاد أنا هنا ماصدقت !!

أرسلت: مو معقوله تذاكر الساعه 12 والأختبارات مابدت وبعدين حتى لو تذاكر مايمنع خمس دقايق من وقتها

ردت برساله: أصلآ هي في المستشفى .

أنا هنا ياناس ماأدري شسوي وشنو أقول يعني لو أنتم مكاني ماتدرون شتسون

عاد أرسلت أنا : أسألك بالله عسى ماشر وش فيها؟ ومتى بتطلع؟

قالت برسالتها : قلبها كان شبه متجمد بينها وبين الموت أمتار عندها خالتي ومادري عنها حاليا لكن أذا جاء خبر عنها ابلغك بعدين تصبح على خير.

المهم جلست افكر فيها ياناس ماني مستعد أخسرها يعني تخسرني بموتي ولا أخسرها بموتها .. ومانمت الا الساعه تقريبا 3 ونص

المهم جاء اليوم الثاني جلست أنتظر رساله من أختها بس ما أرسلت

قلت :خلني أرسلها أشوف أخبار حبي كتبت
>> سلام
بشريني عن ندى بالتفصيل الله لايهينك<<

أرسلت هي :
>> وعليكم .. للأسف حالتها زفت واللي رد حالتها الجو عندنا عج وهي فيها ربو<<

أرسلت أنا:>> بالعربي متى بتطلع ؟<<

قالت برساله : >> مدري<<

عاد أنا أرسلت :>>على العموم الله يقومها بالسلامه يارب وربي ماتستاهل ياجعل اللي فيها فيني
راح أكلمك بكرا أتطمن عليها لأني أنا من جد...
باي

قالت برساله : بستغراب وش من جد ؟!! قصدها ليه ماكملت أنا من جد...

فا أرسلت أنا :
>>والله مدري وش أقول خلاص خلاص أهم شي تقوم بالسلامه يارب واسمع صوتها متعافيه هذا اهم شي بالنسبه لي. <<
وانا أقصد إني أنا من جد فاقدها و مشتاقلها ووو إلخ

أرسلت عاد هي :
لو صدق تحبها كان تفتخر بهذا الشي قصدها اني المفروض اكمل كلمتي أني أنا من جد...

فا أرسلتلها :
>>وربي قلت أحبك مو بس عندها بس عند الناس كلها وبالشرقيه والبحرين وكويت وبكل مكان بيوصل اسمنا
وهذي الشغله اللي كانت موصيتني عليها بس يافرحه ماتمت
وهي بتعرف بعدين والناس أنها خلاص هي لي وأنا لها .<<

قالت عاد : ندى وربي حبوبه وطيبه وخفيفة دم قلبها ابيض بس العيب فيها انها حساسه مرره وماتشتكي وأذا زعلت
ماتبين لنا الله يشفيها ويوفقها

عاد انا قريت كلامها في شي خطأ حبيت أعدله

وأرسلت لها : شوفي من ناحية حبوبه وطيبه هي غنيه عن التعريف بالسوالف هذي لكن يوم أنك تقولين أن عيبها ماتشتكي بالعكس اسميها عزة نفس وقوة باس وهذا اللي محليها
بس هذا اللي بغيت اصححه لك .

بعدين جلست شوي كذا وفكرت أني استأذن منها أني أذكر
رسايلنا اللي صارت بينا اليوم والأيام اللي قبلها بالقصه

فا أرسلت لها : على فكره ترا كل كلمه كتبتيها تبي تنسجل لحسابك في الشغله اللي قاعد اسويها اللي هي القصه أذا مافي زعل منك يعني ؟

قالت : لاعادي
لأن لو رفضت طبعا ندى بتزعل عليها أذا قامت بالسلامه يارب

وأرسلتلها: ثانكس



وبكذا ياناس ياعالم وصلت لنهاية الجزء الأول لهذي القصه المعبره عن الحب الجنوني الذي سخره الله لي لهذي البنت

وأرجو من جميع من قرأ القصه أن يدعو لندى بالشفاء العاجل

وشكرا لكم لقراءة هذي القصه وتفاعلكم معاها

وأنتضروني في الجزء القادم من القصه
الرجوع الى أعلى الصفحة اذهب الى الأسفل
medo1015
مشرف
مشرف
avatar

ذكر
عدد الرسائل : 106
تاريخ التسجيل : 04/06/2008

مُساهمةموضوع: رد: قصة وليد الحربي وندى الحربي   الإثنين 9 يونيو - 12:51

ارجو الرد ان تنال هذه القصة الاعجاب محمد السبكى
الرجوع الى أعلى الصفحة اذهب الى الأسفل
حبيبة
مراقب
مراقب
avatar

انثى
عدد الرسائل : 133
تاريخ التسجيل : 02/06/2008

مُساهمةموضوع: رد: قصة وليد الحربي وندى الحربي   الخميس 12 يونيو - 2:18

قصه غايه فى الروعه
بالفعل بها مصداقيه رائعه
تحياتى وتقديرى لك ميدو

_________________
حـــــــــــــبـــــيــــــبـــــــــــــة
الرجوع الى أعلى الصفحة اذهب الى الأسفل
 
قصة وليد الحربي وندى الحربي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
MIDOBACHA :: القصة القصيرة والروايات-
انتقل الى: